سالفة ورباط——-يقول صديقي الطيب الذكر..
بالثمانينـــات جنت معلم أسلحة مشاة بمدرسة قتال الفرقة المدرعة السادسة في ناحية جلولاء وعدنا جنود مستجدين وكان درسنا عن البندقية الروسية كلاشنكوف وبدأت اشرح بندقيـــــــة آلية عيار ٦٢ ، ٧ ملم ، ترمي بقوة الغاز ونابــــــض الارجاع ، وزنها ٧ كيلو غرام ، وبـــعدين عن أجزاءها ومن شنـــــو تتكون ، وهذا غطـاء البدن ، وهاي السبطانــــة ، وهذا التربـــاس ، وبيت الترباس … الخ ..
بعد ماخلص الدرس ، سألتهم عندكم إستفسار گالو لا عريفـــي .. گتلهم أعيـد الدرس مرة ثانية ؟ گالو لا عريفي .. گتلهم يعني كلكم إفتهمتوا ؟ گلوله نــعم عريفي .. گتلهم يعني أسألكم ؟ گلوله إسأل عريفي ..
سألت جندي مخربط وإنطيته البندقية وگتله إشرحــــــلي عليها .. الجندي أول شي خله ايده على غطاء بـــدن البندقية وگال عريفـــــي هذا غطاء البدن .. گتله ممتاز ، كمل ..
الجندي فر البندقية وگلبها ، ورجع مرة ثانية خله إيده على غطاء البدن وگال عريفي هذا غطاء البدن ، گتله إي أدري ، كمل وبعدين ..
الجندي باوع للبندقية من السبطانة ورجع باوعلهـــا من الاخمص ورجع مرة ثالثة خله إيده على غطاء البدن وگال عريفي هذا غطاء البدن !
گتله متگلي شچلبت بغطـــــاء الخرة ، وأخذت البندقية من الجندي ونزعت منها غطاء البدن وخـليتة وره السبورة ، ورجعت البندقية للجندي وگتله يلــــه كمل ..
الجندي باوع للبندقية ، گلبهـــــا بالطول ، باوعلها بالعرض ، گلي عريفـي غطاء البــــدن وره السبورة !!!!!
رباط السالفة
هسه الحكومة ء .ماسوت شيء يذكره للشعب.. سوتلها مجسرات هنا وهناك مال كلاوات مضبوطة كولة اهلنا( كفيان الشر ملا عليوي) واحد قبل شهرين اعادوا اعماره من جديد .. والاخر بالزعفرانية كام يسرب ماء من تحت وفيض الشوارع المحيطة به وو على هالرنه فلوسك راحت يعبود وماادري هاي المجسرات راح يطول عمرها سنه ام اقل.. هاي بقت يم الله سبحانه وتعالى والراسخون في العلم.. صدك..لو كالوا
(( الكم الله يالغافلين َ))
موكافي ضحك على هذا الشعب النايم وهو عايش بلا كهرباء ولا ماء ولاخدمات وشوارعه صايره طسات وعكر.. وبس النفايات تارسه الشوارع. ووجه بلون السبورة__
وانتم رواتبكم بالملايين..وتوزعون ملايين الدولارات ع الدول.. تسوون نفسكم شرفاء وشعبكم جوعان.. ورواتبكم بالملايين
وهذا الموظف والمتقاعد والرعاية الاجتماعية تنطوهم تفاليس__
(( واحدهم يأخذ الراتب منا بعده بباب المكتب مال الكي كارد يطير عبالك بيض اللكلك مال كبل)) ..
ربي مسني الضر وانت ارحم الراحمين..
