سالفة ورقة العمل/ يقول صديقي طيب الذكر
يوم من الايام تعرفت على واحد صاحب معرض سيارات يصلي ويصوم
واني مسويله دعايه بالمنطقه ياهو يريد يشتري سياره أكله روح لفلان خوش أدمي
ويخاف ألله وينصح الشراي
هذاك أليوم كاعد بره أباب ألبيت ومرو عليه أثنين شباب سلموا عليه وعاتبوني
كالولي أنت مشارك أفلان أبو معرض ألسيارات
كلتلهم لا عمي منيلي هو أني مطي مااملك
كالو لعد ليش تبث دعايات وتكول افلان ينصح وخوش أدمي
كلتلهم بويه تعرفت عليه بالجامع وشفته خوش أدمي من سوالفه ومن رجع من ألحج رحت زرته بالبيت وهاي هيه
كالو عمي ياحج هذا نصاب ويحلف جذب وهاي ألديانة مالته مخليها ورقة عمل للنصب والاحتيال على ألوادم
كلتلهم سولفولي شنهي ورقة ألعمل أني ماسامع بيها كبل
كالو هذا صاحبك طلع ٥٦ أملعب ولوتي اي واحد يريد يشتري سياره من عنده
يكله والله هاي السياره بيها خبزه ويحلف حلفان ماصاير وهاي الناس ألشرايه مصدكه
بيه وهو فعلا صادق بكلامه طلع مخلي خبزه بالجكمجه وهس صاحبك عرفته ألوادم وعزل ألمعرض وشرد ونكشف على حقيقته
كلتلهم بويه وهس شنو ألمطلوب من عندي
كالو أحنه نعرفك أنت طيب وعلى نيتك بس هذا صاحبك بعد لاتبثله دعايه ولاتماشيه تره يذبك بمشاكل ويه ألوادم
كلتلهم وروح أبوي عكاب من هاي ألساعه
بعد حتى ألجامع مااوصلة
وره سنة جنت معزوم بعرس
وشفته أمبدل ورقة ألعمل مالته لابس عكال ومعدل روحه واسمع ألوادم يصحوله شيخ
يكول أني علسريع أنطيت ألواجب وشردت وحرمني من ألعشه كلت خاف أسلم عليه وتجيني ألطلابه وبتلي أنوب الله يصلحه ويصلح الباقين أل مثله
مدري عليمن جبناها
بلووووووووه
لا تغرك الناس باللبس وأشكالها
الزلم غربلها و تعرف افعالها
