بعيدا عن السياسة وكلاواتها..وبما ان جريدة الرصيف حال الناس البسطاء راح تنشر اايوم سالفة ابو كويظم ..

سالفه ابو كويظم—–

ابو كويظم طگة الاستفلاس وچان عنده حصـان اخذه للعلوة حتى يبيعه ، أجاه واحد وگله عمي تبيع الحصان ؟
گاله : اي ابيع بس ليجدام اگلك ترة بيه شغله وحده مو زينة .
گاله : شنهي هاي الشغلة ؟
گاله ابو كويظم : عمي حصاني ماحافظ نفسـه !!
گاله : عمي آني شريد منه اريده يسحب العربانة قابل راح اناسبه !!
الزلمة اشترى الحصان من ابو كويظم واول يوم كلش زين واشتغل وحصل خوش خرجية اجته.
ثاني يوم بعده ماطالع للشغل وچان الحصان يزگط الزلمة على بطنه وخلاه باخر نفس وثالث يوم همشة بعضة من خاصرته وشلعله وذره لحم وخلاه ايصييح ، المهم رجع الزلمة لأبو كويظم وگاله : عمي شني هاي شو طلع حصانك يعض ويزگط وانت گلت
بيه بس شغله وحده ، ما حافظ نفسه .
ضحك ابو كويظم ضحكه عريضه
وگاله : عمي هو الما حافظ نفسه كلشي يطلع منه وما عليه عتب !!
شاهد سالفتنه
واضحه مو لو مو مو