سالفه_ورباط.!!!
اكو رجال فقير عالسته الدنيا علس اسمه سعدون راح يدور على عيشته بقرية قريبة علي قريتهم ،، اهل القرية الي نزل بيها سعدون يتصدقون عليه بلگمة الخبز وثوب اللي يلبسه… حتى حن عليه واحد منهم وشغلة راعي بالغنم ،،، هنا سعدون جر عدل فترة ووراهه گام يبوگ الحليب والطليان الزغار ويصدرهن لغير ديرة اهل القرية ضاجو كلش وما عرفو منو الي يبوگ بيهم ،،،منا لما نص حلالهم خلص وهم دايخين ومايعرفون الحرامي … النوب گام يكتل بيهم .. فتره وفتره وكتل واحد منهم ،، المهم القرية صارت حال الظيم من الفگر لاحلال ظل بيها ولا ثروات وفترة وينكتل واحد من ازلامها “وهنا سعدون قرر يدخل ربعه وياه بالقرية وربعه شلة مال حرامية وقفاصة وسلابة… جابهم للقرية وگال للناس هذ 
ولة ربعي حالتهم المادية توب ( ومتدينين ) واصحاب مال وحلال وكلهم ( تكنوقراط ) وجبتهم حتى ينقذون القرية من الفقر والقتل اجتمعت كل القرية وصاروا يهوسون لسعدون. ” علي وياك علي ”
هو گام يجيب الحلال البايكه منهم كام يذبح يومية
ويوكلهم ويوزعلهم ابلاش (من لحم ثوره وطعمة)
صارت القرية كلهه تعبد سعدون ويباوعون لحلگه شيحچي ويسولف …
وطبعا بالاخير سعدون صار خط احمر وزعيم كتلة وانتخبوه شيخ للقرية وعين جماعتة الحرامية واحد مسؤول على الزراعة واخر على النقل والمواصلات ووو الخ
رباط سالفتنه!!!
من المخجل نرفع شعار سيد الشهداء الإمام الحسين عليه السلام ((هيهات من الذلة)) بينما الذلة واصلة من الدنكة للبتلو ياليتنا كنا معكم ونتة تدافع عن المسؤولين الفاسدين في كل وقت وكل مكان مو حالنا حال اهل هاي القرية الي اجه من خارج اجه حسره عليه لگمة الخبز باگ حلالنه ومالنه وهسه يتصدق بمالنة على الدول وفوكاهه وين مانشوفه نهوسله ما كافي مو هاي اثنين وعشرين سنة شنو القدموة أبسط مقومات الحياة ماكو لاكهرباء لاماي لاصحة لا
تعليم خدمات وينهن قسمآ بنحر الحسين محد يفكر بيكم ولا احد يهتملكم ….همهم قصورهم المجرشة من التبريد وعوائلهم فايخة اللي تلعب بموالكم بالخارج شوكت تصحون على انفسكم وتنصرون قضية الأمام الحسين ( ع ) بالقول والفعل وتدخلون السرور إلى قلب صاحب العصر والزمان .( عجل ). أعلموا أن الإمام الحسين ( ع ). قضية ورسالة سماوية إصلاحية ضد الظلم والطغيان
وآلعبودية ومبدأ وتطبيق لا شعارات مزيفة ترفع في لافتات سرقة من أموال الشعب
بعدين عمي انت فاسد وماكل أموال الشعب وفاتح الك موكب عليمن عمي تعشم روحك لو الناس ماتعرفك!!!
